ប្រសើរណាស់! The Platform x New Moon រៀបចំកម្មវិធីបង្ហាញម៉ូដ Runway ខ្នាតធំ១ ដើម្បីវិស័យរចនាម៉ូដនៅកម្ពុជា

The Platform បានចាប់ដៃសហការជាមួយនឹង Black Panther New Moon ដើម្បីរៀបចំប្រារព្ធនូវព្រឹត្តិការណ៍ដើរបង្ហាញម៉ូដ Runway ដ៏ពិសេសមួយ ដែលអ្នកបង្ហាញម៉ូដនឹងដើរបង្ហាញនូវម៉ូដសម្លៀកបំពាក់ដែលច្នៃឡើងដោយអ្នករចនាម៉ូដដ៏មានស្នាដៃជាជនជាតិខ្មែរ និងបរទេស។

អ្នកតំណាងរបស់ The Platform បានលើកឡើងថា «លើសពីការរៀបចំកម្មវិធី The Platform បានបង្កើតនូវគំនិតផ្ដួចផ្ដើមដ៏មានតម្លៃមួយ ដើម្បីផ្ដល់ឱកាសឱ្យ អ្នកមានទេពកោសល្យនៅក្នុងការរចនាម៉ូដ និងអ្នកដែលកំពុងស្វែងរកមនុស្សមានស្នាដៃ បានជួបគ្នា កសាងទំនាក់ទំនង និងរួមកម្លាំងគ្នា ដើម្បីឱ្យការរចនាម៉ូដនៅកម្ពុជាកាន់តែរីកចម្រើន ឈានទៅកាន់កម្រិតអន្តរជាតិ»។​

ការសហការគ្នារវាង The Platform និង Black Panther New Moon នឹងបង្កើតបាននូវឆាកបង្ហាញម៉ូដដ៏ប្រណិត និងឆើតឆាយ។ ហើយព្រឹត្តិការណ៍ Runway ដ៏ពិសេសមួយនោះ នឹងធ្វើឱ្យម៉ូដសម្លៀកបំពាក់កម្ពុជាភ្លឺចែងចាំងឡើងដល់កម្រិតអន្តរជាតិ។

គួរជម្រាបផងដែរថា The Platform x New Moon Runway នឹងត្រូវប្រព្រឹត្តិទៅឆាប់ៗនេះគឺ នៅថ្ងៃទី១៣ ខែកញ្ញា ឆ្នាំ២០២៥ ដែលនឹងមានការបង្ហាញនូវម៉ូដសម្លៀកបំពាក់រចនាប្រកបដោយភាពច្នៃប្រឌិត ពីសំណាក់អ្នករចនាម៉ូដ ៨រូប ដែលក្នុងនោះមាន ៦រូបជាជនជាតិខ្មែរយើងផ្ទាល់តែម្ដង៕